Честит Ден на младите, каде и да се

Ако сакате децата да ни останат тука, близу до дома, вид(е)ни во наше мало место, не ги повторувајте грешките! На пример:

€     Не ги учете децата дека отменост и воспитаност се идеали за културен и морален живот, без будалаштини.

€      Не ги учете дека грабежливост, алчност и ненаситност се примитивни инстинкти, оправдани само за животински свет.

€      Не ги учете дека знаењето поткрепено со мудрост, дека љубовта поткрепена со дела и дека отменоста поткрепена со брчки, се компетенции за култура на живеење.

€      Не ги учете дека сјајот на парите не може да филтрира духовни пропусти ниту со мудрост на купени дипломи, ниту со љубов од интерес, ниту пак со блискост до разно-разни „добринчини“.

€      Не ги учете дека само отмени, грациозни одликаши можат да им бидат советници за локално образовние на двојкашите - протекционаши.

Напротив, направете напор и згаснете им ги: желбата за учење, знаење, умеење и меракот да се изградат како етични, морални и одговорни личности. Ако не го сторите тоа, тогаш овде, на малите места близу до дома, сонцето нема да им ја топли душата, онака како што заслужуваат. Тогаш ќе си го фатат патот до место каде што децата ќе им учат, творат и добиваат признанија на туѓ јазик, јазик на кој еднина од луѓе е ЧОВЕК.

Тогаш тука, на малите места близу до дома, ќе нема кој да ја одбрани шегобијноста на кумановскиот дијалект и духовниот идентитетот на кумановци, од апсурдот на смешните...ептен смешни, недуховити сограѓани.