Даниела Стојановска: Создади смисол, размислувај

Наставник - советник - чест и одговорност. Посветеноста на најубавата професија на светот, денес е крунсана со унапредување во највисоко звање. МОН и БРО високо ги оценија компетенциите со кои на моите ученици им овозможувам утрешните проблеми да ги решаваат со помош на отворен ум и почитување, наместо со помош на интерес и моќ.  https://danielastojanovska.blogspot.com/2021/02/blog-post_5.html

     Чест и задоволство е да се понесе признание на Здружение на просветни работници   на Куманово за најдобар просветен работник во 2025 година.          Изрази на благодарност за претседателката Анита Димовска и членовите на претседателството на здружението, за градоначалникот и претседателката на Советот на општина Куманово и за колегите од ООУ„Христијан Карпош“.           Сепак, најголеми заслуги за признанието за најдобар просветен работник во предметна настава ги имаат моите осум генерации, општествено одговорни ученици. Тие се креативни млади луѓе кои ме мотивираат и инспирираат да бидам поклоник на концептот на доживотното учење и професионален развој. Моите професионални достигнувања, во суштина се резултат на желбата и потребата постојано да држам чекор близу до интересите, желбите, можностите и потребите за знаења, умеења, вештини и омилената технологија на моите учениции.     ...

Прилог на тема: Успехот и интересот на учениците за математика

          Сега, на моите 50+, ме радува тоа што можам, на младите луѓе да им пренесам животна лекција, како лична, топла препорака: Одбијте емоционално да им служите на оние кои сметаат дека нивното „мислење“ треба да го управува вашиот живот! Создадавајте смисол, сочувствувајте и размислувајте. Уживајте во животот и оставете ги „мислителите“ да се гушат во прашината која ја кревате зад вас. Не наметнувајте култура на говор и мислење, ама и не дозволувајте да ве убедуваат дека културата, науката и уметноста, кај нас се камен темелник на секоја залудност. Не се плашете да ги разочарате оние кои не ви се достојни. Не влегувајте во дискусиии со длабоко фрустрирани луѓе, за да им докажете дека фактите се секогаш во право.      Тоа се единствените нешта кои ќе ве спасат, ќе ве сочуваат за луѓето од ваиот живот, за оние кои навистина ви значат, за оние к...

Религиозно воспитаните луѓе, оние кои се строги кон себеси, а попустливи кон другите. Оние, кои библијата ги опишува како земни луѓе на кои изгледот им е блажено смирен, убав, ангелски чист, а од устата им се разлеваат добрини од доброто срце и душа и тоа секој ден и секој час. Тие, вистински религиозни луѓе денес бараа прочка. Нека им е простено, ако има што да им се прости. Од вистински религиозните луѓе, денес барав прочка. Тие простуваа.            А што е со другите? Оние кои денес, сосема неиздржано, споделија по некој мал религиозно-пригоден пост. Мала дигресија, со мала доза суплемент за простотија, суплемент за претворање на луѓе во проста маса. Проста толку колку што е просто невозможно, од денес воспитани луѓе, вчера да излегувале невоспитани зборови и гестови. Колку што е просто невозможно, од грло од кое денес „блеска“ вера и верба во Бога, вчера да излегувале тешки грдотии. Колку што е просто    невозможно денешнит...

     „Human  rights“ - изгубени во превод    Ако не постои локална, граѓанска акција за почитување на човековото право на достоинствен живот, тогаш секое барање за почитување на било кое право во светски рамки, во пошироко опкружување, во едно општество, па и во една општина е сосема залудно.    Токму тука, локално, на работно место и други мали места блиску до дома, тука мора да биде епицентарот на примената и почитта на правата за достоинствен живот.    Ако токму на вакви места, невидливи на географска карта, не се случи ерупција на универзални принципи, вредности и права, тогаш секоја декларативна изјава од типот: „Се борам за човекови права и достоинствен живот!“, е лицемерна и излитена како онаа од избор на светска убавица: „Се борам за мир во светот!“.

  Знаевте ли дека денес е Ден на менталното здравје? Јас искрено се изненадив што барем во еден ден од годината, имаме потполно право да им кажеме НЕ на манипулаторите. Едноставно, оправдано и светски поддржано НЕ за оние кои никогаш не играат за туѓ интерес, никогаш не   признаваат сопствена вина и секогаш ги извртуваат работите за токму тие да изгледаат како жртви. НЕ за оние кои, во последно време, се намножија толку многу што наскоро ние, „малцинството“, ќе мора да им се извинуваме за тоа што ни го бербатат училиштето, градот, државата. Знам дека наскоро ќе мора да им се извинуваме за тоа што дури и тогаш кога нивната партија губи, тие добиваат, ама денес НЕ! Денес НЕ мора да им се заблагодариме за тоа што ни дозволуваат да го слушаме ехото од пцостите во прво лице множина и ни овозможуваат да плукаме во височина или контра ветрот. А утре е нов Ден!