Ментална гимнастика за Ден на ментално здравје

 

Знаевте ли дека денес е Ден на менталното здравје? Јас искрено се изненадив што барем во еден ден од годината, имаме потполно право да им кажеме НЕ на манипулаторите. Едноставно, оправдано и светски поддржано НЕ за оние кои никогаш не играат за туѓ интерес, никогаш не  признаваат сопствена вина и секогаш ги извртуваат работите за токму тие да изгледаат како жртви.

НЕ за оние кои, во последно време, се намножија толку многу што наскоро ние, „малцинството“, ќе мора да им се извинуваме за тоа што ни го бербатат училиштето, градот, државата. Знам дека наскоро ќе мора да им се извинуваме за тоа што дури и тогаш кога нивната партија губи, тие добиваат, ама денес НЕ!

Денес НЕ мора да им се заблагодариме за тоа што ни дозволуваат да го слушаме ехото од пцостите во прво лице множина и ни овозможуваат да плукаме во височина или контра ветрот.

А утре е нов Ден!