Сега, на моите 50+, ме радува тоа што можам, на младите луѓе да им пренесам животна лекција, како лична, топла препорака:
- Одбијте емоционално да им служите на оние кои сметаат дека нивното „мислење“ треба да го управува вашиот живот!
- Создадавајте смисол, сочувствувајте и размислувајте.
- Уживајте во животот и оставете ги „мислителите“ да се гушат во прашината која ја кревате зад вас.
- Не наметнувајте култура на говор и мислење, ама и не дозволувајте да ве убедуваат дека културата, науката и уметноста, кај нас се камен темелник на секоја залудност.
- Не се плашете да ги разочарате оние кои не ви се достојни.
- Не влегувајте во дискусиии со длабоко фрустрирани луѓе, за да им докажете дека фактите се секогаш во право.
Зашто, уште на Вашите 40+, ќе ви стане здодевно да велите ДА, кога сѐ во вас вели НЕ. Ќе ви стане здодевно да се извинувате заради фактите, аргументите, доказите и логиката на кои се темели вашето мислење. Вистински ќе зажалите за потрошеното време и енергија за таквите глупости, од времето пред 40+.
Ќе ви стане смешно и излишно да се присилувате себе за да разговарате со оние со кои не сакате да разговарате и да правите глупави преписки со луѓе кои ниту ви се интересни, ниту ви се достојни.
Ќе ви станат смешни и излишни оние кои сакаат да ви ги закачат сопствените комплекси, фрустрации, алчност и глупавост, а особено оние кои ќе сакаат да разговараат со вас за она за кое вие не сакате да разговарате со нив.
Comments
Post a Comment